Aliyev va Sargsyan Tog‘li Qorabog‘ni Shveytsariyada muhokama qiladi

Foto: aa.com.tr

Ozarboyjon Tashqi ishlar vazirligi rasmiy vakili Hikmat Hojiyevning ma'lum qilishicha, 16 oktabr kuni Ozarboyjon prezidenti Ilhom Aliyev va Armaniston prezidenti Serj Sargsyan Jyenevada uchrashuv o‘tkazadi. Bu haqda RIA «Novosti» xabar bergan.

«2017 yil 16 oktabr kuni Jyenevada YeXHT Minsk guruhining hamraislari taklifiga binoan Ozarboyjon va Armaniston prezidentlari Tog‘li Qorabog‘ mojarosini hal qilish masalasini muhokama etish uchun uchrashuv o‘tkazadi», - degan Hojiyev.

Avvalroq, Ilhom Aliyev xalqaro hamjamiyatdan Armanistonga qarshi sanksiyalar joriy qilishni talab qilgandi.