Sayyohlardan kunlik yig‘im miqdori o‘zgardi

O‘zbekiston Respublikasi Vazirlar Mahkamasining 2017 yil 9 oktabrdagi 810-son qaroriga asosan, Vazirlar Mahkamasining 2017 yil 15 martdagi 137-son qarori bilan tasdiqlangan «O‘zbekiston Respublikasi hududida turistik (mehmonxona) yig‘imni undirish tartibi to‘g‘risidagi Nizom»ga o‘zgartirish kiritildi.

2017 yil 9 oktabrdan boshlab joylashtirish vositalari tomonidan (mehmonxonalar, turizm bazalari va majmualari, dam olish uylari va zonalari, pansionatlar, kempinglar, motellar, milliy mehmon uylari, o‘tovli oromgohlar, sanatoriylar va boshqa mehmonxona xizmatlari – vaqtincha yashash xizmatlari ko‘rsatuvchi obektlar) xorijiy fuqarolar va O‘zbekiston Respublikasida doimiy turar joyiga ega bo‘lmagan, fuqaroligi bo‘lmagan shaxslardan eng kam oylik ish haqining 10% miqdorida (2017 yil 9 oktabr holatiga 14977,5 so‘m) joylashtirish vositalarida yashagan har bir kuni uchun undiriladi. 

To‘liq bo‘lmagan yashash kuni uchun turistik (mehmonxona) yig‘im to‘liq yashalgan kun miqdorida undiriladi