OAV: Suriya armiyasi IShID jangarilaridan yana bir shaharni ozod qildi

Suriya hukumat qo‘shinlari Dayr az-Zor viloyatidagi Al-Mayadin shahri ustidan nazoratni tiklashdi, deya xabar bermoqda SANA agentligi manbalarga asosan.

Manbalar ma'lumotlariga ko‘ra, aholi punktini ozod qilish bo‘yicha amaliyot davomida IShID terrorchilik guruhining ko‘plab jangarilari, ularning qurol-yarog‘lari va aslaha-anjomlari yo‘q qilingan.

8 oktabr kuni Suriya armiyasi Al-Mayadinda IShID jangarilarini o‘rab olgandi.

Avvalroq Suriyaning IShID tomonidan egallab olingan va ma'muriy markaz deb e'lon qilingan Raqqa shahri butunlay estremistlardan ozod qilingani xabar berilgandi.