Tashkent City​ xalqaro biznes markazi turk me'morlarining loyihasi asosida quriladi

Toshkentda qurilishi rejalashtirilgan Xalqaro Biznes markaz loyihasining me'morchilik ishlanmalarini tayyorlash uchun Turkiya, Singapur mamlakati hamda mahalliy kompaniya me'morlarning fikri inobatga olinmoqda. Kuni kecha Turkiyaning Tabanlıoğlu Architects​ kompaniyasi va “Tashkent City” DUK vakillari uchrashuvi tashkil etilgan bo‘lib, unda loyiha namunalari muhokama etildi.

“Tashkent City​” DUKning ma'lumotiga ko‘ra, hozirgacha XBMning 8 turdagi loyiha namunasi Respublikasi rahbariga taqdim etilgandi. Ulardan aynan Tabanlıoğlu Architects​ kompaniyasiga tegishli loyiha Tashkent City​ qurilish loyihasi sifatida tasdiqlangan.

Ayni paytda turk me'morlari bilan loyiha ishini boshlash va qurilishning ilk bosqichini tahlil qilishga doir masalalar ko‘rib chiqilmoqda.