Xitoyda korrupsiya bilan kurashuvchi eng asosiy amaldor lavozimini tark etadi

Si Tszinpinning muhim ittifoqchisi, mamlakatda korrupsiyaga qarshi kampaniyaga rahbarlik qilgan Van Tsishan Xitoy Kommunistik partiyasi markaziy qo‘mitasi yangi tarkibidan joy olmadi. Bu haqda South China Morning Post xabar bermoqda.

Shu tariqa, 69 yoshli Van korrupsiyaga qarshi faoliyat bilan shug‘ullanuvchi intizomni tekshirish bo‘yicha markaziy komissiya rahbari lavozimini bo‘shatib qo‘yishi kerak.

Idora bir necha yildan beri korrupsiyaga aralashib qolgan minglab amaldorlarni qidirib topish hamda qamoqqa tashlash bilan shug‘ullanib keladi.

Nashrning dastlabki taxminiga ko‘ra, intizomni tekshirish bo‘yicha markaziy qo‘mitasining yangi rahbariga partiya MQ a'zolari ro‘yxatida bo‘lgan Chjao Letszi aylanadi.