Хитойда коррупция билан курашувчи энг асосий амалдор лавозимини тарк этади

Си Цзиньпиннинг муҳим иттифоқчиси, мамлакатда коррупцияга қарши кампанияга раҳбарлик қилган Ван Цишань Хитой Коммунистик партияси марказий қўмитаси янги таркибидан жой олмади. Бу ҳақда South China Morning Post хабар бермоқда.

Шу тариқа, 69 ёшли Ван коррупцияга қарши фаолият билан шуғулланувчи интизомни текшириш бўйича марказий комиссия раҳбари лавозимини бўшатиб қўйиши керак.

Идора бир неча йилдан бери коррупцияга аралашиб қолган минглаб амалдорларни қидириб топиш ҳамда қамоққа ташлаш билан шуғулланиб келади.

Нашрнинг дастлабки тахминига кўра, интизомни текшириш бўйича марказий қўмитасининг янги раҳбарига партия МҚ аъзолари рўйхатида бўлган Чжао Лэцзи айланади.