Braziliya prezidenti shifoxonaga yotqizildi

Braziliya prezidenti Mishel Temer harbiy  gospitaldagi jarrohlik markaziga yotqizildi. Bu haqda Globo xabar tarqatmoqda.

Dastlabki ma'lumotlarga ko‘ra, uning shifoxonaga yotqizilishi avvalgi xastaliklari bilan bog‘liq emas.

O‘tgan oyda Braziliya prezidentiga nisbatan yangi ayblovlar ilgari surilgandi. U sudlovga to‘sqinlik va reketda ayblangan.

Mazkur ayblovlar ham dunyodagi yirik JBS SA go‘shtni qayta ishlash konserni egalari ko‘rsatmalariga asoslangan. Ular oldinroq Temerni siyosiy ko‘mak evaziga poraxo‘rlik va guvoh sukutini sotib olishga urinishda ayblagandi. Prezidentning o‘zi qonunbuzilishlariga aloqadorligini qat'iyan rad etdi.

Braziliya parlamenti komissiyasi prezidentga nisbatan ayblovlarni qo‘llab-quvvatlamadi.