Moskvaliklar sovuq ob-havoga qaramasdan, rasmiy sotuvlardan uch kun avval iPhone X'ga navbatga turishni boshlashdi. RIA "Novosti" re:Store riteyleri vakili Lyudmila Semushinaning ma'lumotlariga asoslanib, shu haqida xabar berdi.
"Seshanba kuni tashkillashtirilgan navbat ro‘yxatiga qarab baho beradigan bo‘lsak, kecha u yerda turganlar soni 267 nafarni tashkil qilgandi", - deydi Semushina.
"Bu birinchi shunday holatdir. Odatda bir kun qolganda taxminan 50 kishi navbat poylardi, ochilishidan oldin esa odam shu darajada ko‘payardi", - deya ta'kidladi agentlik suhbatdoshi.
Apple muxlislarining ijtimoiy tarmoqlardagi xabarlariga ko‘ra, navbat poylayotgan odamlarning ba'zilari o‘z o‘rnini 50-60 ming rublga sotib, bundan pul ishlab olmoqchi.
Apple korporatsiyasi 12 sentabr kuni yangi avlod smartfonlarini, xususan iPhone X'ni namoyish qildi. Shisha panel va gardishsiz displeyga ega qurilma ikki rangda taqdim etilgan - kumushrang va "kulrang koinot". U A11 Bionic protsessori bilan jihozlangan va to‘ldirilgan reallik texnologiyalarini qo‘llab-quvvatlaydi. Rossiyada iPhone X smartfonining minimal qiymati 79 990 rublga baholanmoqda.
Gadjyetlarning RFdagi sotuvlariga 3 noyabr kuni start beriladi.
