Uyini sotishini aytib, 10 ming dollarga chuv tushirib ketgan shaxs fosh etildi

2014 yilning mart oyida Bekobod shahrida yashovchi 1984 yilda tug‘ilgan Sh.N. firibgarlik yo‘li bilan, hamshahari 1985 yilda tug‘ilgan Z.V.ning ishonchini suiiste'mol qilib, «uyimni sizga sotaman» – deb aldab, undan 10.000 AQSh dollarini olib, shu kunga qadar qaytarib bermagan. 

Bu haqda Toshkent viloyati Ichki ishlar boshqarmasi axborot xizmati xabar qilmoqda.

Ushbu holat yuzasidan Sh.N.ga nisbatan O‘zbekiston Respublikasi Jinoyat Kodeksining 168-moddasi bilan jinoyat ishi qo‘zg‘atildi. Tergovni IIB olib bormoqda.