Toshkentda 18 yoshli yigit marixuana bilan ushlandi

2017 yilning 1 noyabr kuni, taxminan soat 20:30larda, ichki ishlar organlari xodimlari tomonidan Bektemir tumani hududida o‘tkazilgan tezkor tadbirlar davomida, fuqaro 1999 yilda tug‘ilgan S.S. to‘xtatib tekshirilganda, uning yonidan og‘irligi 3,94 gramm bo‘lgan «marixuana» giyohvandlik vositasi aniqlanib olingan. Bu haqda poytaxt IIBB xabar bermoqda.

Mazkur holat yuzasidan Bektemir tumani IIB huzuridagi Tergov bo‘limi tomonidan O‘zbekiston Respublikasi JKning 276-moddasi 1-qismi (giyohvandlik vositalarini o‘tkazish maqsadini ko‘zlamay, qonunga xilof ravishda saqlash) alomatlari bilan jinoyat ish qo‘zg‘atilgan. 

Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.