Afg‘oniston hukumati mahalliy internet-provayderlarga texnik muammolar sababli Telegram va WhatsApp messenjerlarini to‘sishga ko‘rsatma berdi. Bu haqda Agence France-Presse axborot agentligi xabar bermoqda.
“Biz yangi texnologiyalarni sinamoqdamiz, shu sababli WhatsApp va Telegram vaqtinchalik to‘silishi kerak», deb aytgan Afg‘oniston kommunikatsiyalar va axbot texnologiyalari vazirligi matbuot kotibi. Ushbu ko‘rsatma 1 noyabrdan 20 noyabrgacha amal qiladi.
Vazirlikda aytilishicha, dasturlardan foydalanishni taqiqlash foydalanuvchilarning taqdim qilinayotgan xizmatlardan qoniqmayotganlari bilan bog‘langan. Ta'kidlanishicha, ushbu chora so‘z erkinligini cheklashga qaratilmagan, chunki Facebook va Twitter ijtimoiy tarmoqlari ishlashda davom etmoqda.
Telegram va WhatsApp Afg‘onistonda ommaviy messenjerlar bo‘lib, ulardan “Tolibon” jangarilari ham foydalanishadi.
