Trampning limuzini qanday tashilishi suratlari e'lon qilindi

AQSh maxfiy xizmati Osiyo turnesiga jo‘nagan AQSh prezidenti Donald Trampning limuzini va prezident xavfsizligini ta'minlaydigan maxsus xizmatlar mashinalari qanday tashilishi aks etgan suratni e'lon qildi.   

“Biz AQSh prezidentini Osiyoda “Yirtqich”siz qoldira olmasdik”, deyilgan xabarda.

Fotosuratlarda Boeing C-17 Globemaster III yuk samolyoti bortiga ortilgan 10 ta mashina tasvirlangan.

Trampning qora rangdagi limuzini General Motors korporatsiyasi tomondan yaratilgan va “Yirtqich” nomini olgan. Avtomobil ballistik raketa yoki kimyoviy hujumdan himoyalay oladi. Shuningdek, unda kurol-aslaha va prezident yarador bo‘lishi vaziyatiga qon zaxirasi mavjud.