Erdo‘g‘an 13 noyabr kuni Moskvaga tashrif buyuradi

Turkiya prezidenti Rajab Toyyib Erdo‘g‘an 13 noyabr kuni Moskvaga tashrif bilan keladi, deb xabar berdi RIA «Novosti» axborot agentligi.

Ta'kidlanishicha, Erdo‘g‘an Rossiya prezidenti Vladimir Putin bilan muzokaralar o‘tkazadi.

Turkiya prezidenti Putin bilan Sochida o‘tadigan Suriya milliy muloqoti kongressiga kurdlarning “Demokratik ittifoqi” vakillarining taklif etilishini muhokama qilmoqchi.  

Shuningdek, Suriya va Iroqda terrorchilikka qarshi kurash mavzusiga ham to‘xtalib o‘tiladi.

Erdo‘g‘an 14 noyabrda Moskvadan Kuvaytga jo‘nab ketadi.

Ikki davlat yetakchilarining avvalgi uchrashuvi 28 sentabrda Anqarada bo‘lib o‘tgandi.