Saudiyalik shahzodalarning hibsga olinishi neft narxiga jiddiy ta'sir ko‘rsatdi 

Brent markali neft narxi bir barrel uchun 62,87 AQSh dollariga yetdi. Bu 2015 yilning iyulidan beri 62 dollarlik ko‘rsatkichdan ilk bora yuqorilashga aylandi, deb xabar bermoqda Bloomberg.

Agentlik bunday keskin o‘sishni Saudiya Arabistonida shahzodalarning hibsga olinishi bilan bog‘lamoqda. Toshkent vaqti bilan soat 15:55 holatiga ko‘ra, Brent nefti bir barrel uchun 62,48 dollardan savdo qilinmoqda.

Avvalroq Saudiya Arabistonida to‘rt nafar amaldagi vazir va o‘n bir nafar qirollik oilasidan bo‘lgan shahzoda korrupsiyada gumonlanib qo‘lga olingani xabar berilgandi.