4 yoshli qizini urgan ota sobiq militsiya xodimi bo‘lgan

“O‘zbekiston” telekanalining “Uchburchak” ko‘rsatuvida 4 yoshli norasida qizaloqning o‘z otasi tomonidan urilgani va bu jarayon bevosita otaning o‘zi tomonidan telefonga tasvirga olingani namoyish etilgan edi. 

Bu internet tarmog‘ining o‘zbek segmentidagi ijtimoiy tarmoqlarni larzaga keltirdi. Ayni vaqtda otaning kimligi ma'lum bo‘lgan. U Toshkent shahri Chilonzor-8 mavzesida istiqomat qiluvchi A.X.dir. Unga nisbatan O‘zR JKning tegishli moddalariga asosan jinoiy ish qo‘zg‘atilgan. 

Ma'lum bo‘lishicha, u sobiq ichki ishlar idorasi xodimi bo‘lib, shu yilning oktabr oyida ishdan ketish haqida raport yozib, ishdan bo‘shagan.