Pentagon rahbari AQSh Suriyadan qay shartda chiqib ketishini aytdi

AQSh mudofaa vaziri Jyeyms Mettisning ma'lum qilishicha, Vashington Suriyadan Jyeneva jarayoni muvaffaqiyatga olib kelmaguniga qadar ketishni rejalashtirayotgani yo‘q. Bu haqda Pentagon saytida xabar berildi.

«Biz hozirning o‘zida ketishni rejalashtirayotganimiz yo‘q, bu Jyeneva jarayoni oldinga siljisa yuz beradi. Bu hamma shu yerda qolishini anglatmaydi. Hamda ba'zi qo‘shinlar ketayotganini ham bildirmaydi. Men shunchaki biz qanday shartlar qo‘yayotganimiz haqida gapirmoqdaman», - deya aytib o‘tdi u.

Uning ta'kidlashicha, AQSh Suriyadagi mojaroni diplomatik yo‘l bilan hal qilish uchun sharoitlarni ta'minlab berishga harakat qiladi.

Eslatib o‘tamiz, kecha Turkiya prezidenti Rajab Toyyib Erdo‘g‘an Rossiya va AQShni Suriyadan qo‘shinlarni olib chiqib ketish hamda inqirozga siyosiy yo‘l bilan yechim topishga bor e'tiborni qaratishga chaqirgandi.