Rossiya prezidenti Vladimir Putin taxminan 22 dekabr kuni Rossiya Mudofaa vazirligi kollegiyasining kengaytirilgan yig‘ilishini o‘tkazib, uning davomida 2017 yilgi harbiy yakunlarni sarhisob qiladi hamda kelasi yil uchun vazifalar belgilab beradi. Bu haqda «Kommersant'» gazetasi harbiy manbalarga asosan yozmoqda.
Yig‘ilish, kutilishicha, davlat mudofaasi boshqaruvi Milliy markazi binosida bo‘lib o‘tadi. Unda Rossiya mudofaa vaziri Sergey Shoygu ham qatnashadi.
«Prezident 2017 yil yakunlarini sarhisob qiladi hamda 2018 yil uchun vazifalarni belgilab beradi, uning nutqida asosiy e'tibor istalgan tajovuzkorga kafolatlangan javob zarbasini berishga qodir kuchli armiyaga ega bo‘lish zaruratiga qaratiladi. Biroq, AQSh bilan qurollanish poygasiga kirmaslik ham tilga olinadi», - deya ma'lum qildi gazetaning yuqori mansabli manbasi.
Putinning yig‘ilishdagi ishtiroki haqidagi ma'lumotga Rossiya rahbari matbuot kotibi Dmitriy Peskov ham izoh berdi.
«Bu istisno etilmaydi», - degan u.
Avvalroq AQSh Markaziy razvedka boshqarmasi sobiq direktori Jon Brennan «Tramp Putin tomonidan qo‘rqitilgan bo‘lishi mumkin»ligi haqida ma'lum qilgandi.
