Vladimir Putin o‘z vaqtida «Zenit» murabbiyini olib qolish uchun 1,5  mln yevro tovon pulini to‘lab bergan

«Zenit» va Rossiya terma jamoasi sobiq bosh murabbiyi Dik Advokaat mamlakat prezidenti Vladimir Putin bilan bo‘lib o‘tgan uchrashuvi haqida eslab o‘tdi.

«Bir safar Vladimir Putin bilan uchrashganman. Odatda siyosiy yetakchilar o‘tiradigan joyda o‘tirib, u bilan suhbatlashganman.

Putin – «Zenit»ning ashaddiy ishqibozlaridan biri, u men haqimda hamma narsani bilardi. Putin men bilan gaplashishni istagan ekan. Meni Rossiya Superkubogi (2008 yil) finali oldidan taklif qilishdi. Rad etish umuman to‘g‘ri kelmasdi. Umuman hech kim Putinga yo‘q deya olmasdi ham.

O‘shanda menda Avstraliya terma jamoasini boshqarish bo‘yicha kelishuv bor edi, ammo u meni qo‘yib yuborishni istamagan va kerak bo‘lsa, Avstraliya bilan bitimni bekor qilish uchun 1,5 million yevro tovon puli ham to‘lagandi. Putin bilan tezda til topishgandik», – deya Advokaatning so‘zlarini keltiradi AD.