“Foizsiz besh kun ichida naqdlashtirib beraman” deb 24 million so‘mga chuv tushirishdi

Olmaliqda fuqaroni 24 million so‘mga chuv tushirib ketishdi, deb xabar bermoqda Toshkent viloyati Ichki ishlar boshqarmasi axborot xizmati.

Ma'lum bo‘lishicha, Olmaliq shahrida 2017 yilning aprel oyida Piskent tumanida yashovchi 1988 yilda tug‘ilgan Isroil Olimjonov (keltirilgan ism-familiyalar o‘zgartirilgan) firibgarlik yo‘li bilan 1993 yilda tug‘ilgan Zuhriddin Narimovning ishonchini suiiste'mol qilib, plastik kartasida bo‘lgan 24.000.000 so‘m pullarini “foizsiz besh kun ichida naqdlashtirib beraman” deb aldab, Zuhriddin Narimovga tegishli plastik kartada bo‘lgan 24.000.000 so‘m pullarni o‘zlashtirib yuborgan. 

Ushbu holat yuzasidan unga nisbatan O‘zbekiston Respublikasi Jinoyat Kodeksining 168-moddasi 2-qismi (firibgarlik) bilan jinoyat ishi qo‘zg‘atildi. Tergovni IIB olib bormoqda.