20 yil avval yo‘qolgan mashina egasi qoldirgan joydan topildi

El teginmasa ellik yotadi degani Yevropada isbotlandi. Germaniya politsiyasi 20 yil avval yo‘qolgani haqida xabar qilingan avtomobilni topdi. Avtomobil avtoturargohdan topildi, deb yozmoqda Augsburger Allgemeine nashri.

1997 yili keksa erkak avtomobilini ishlab chiqarish inshootlaridan birining garajida qoldirgan va buni unutgan. Mashina esa, binoni buzishga qaror qilinganidan so‘ng topilgan, deb yozadi gazeta. 

Politsiyachilar mashina egasining shaxsini aniqlashdi va yo‘qolgan avtomobilni qaytarishdi. Ta'kidlanishicha, mashina shunchalik zanglab ketgani, undan foydalanib bo‘lmaydi, balki qayta ishlashga yuboriladi.
 
Shu yilning sentabr oyida Fransiyada 38 yil avval o‘g‘irlab ketilgan Peugeot 104 hetchbeki topilgan edi. Avtomobil Shalon-an-Shampan shahri yaqinidagi botqoqlikdan topilgandi. Politsiyachilar mashina egasiga xabar bergan. Biroq u sug‘urta pulini olgani bois, bu avtomobil sug‘urta kompaniyasiga tegishli hisoblanadi.