Amerikalik qilmagan jinoyati uchun yarim asrlik hayotini panjara ortida o‘tkazdi

Xato tufayli hayotining 46 yilini qamoqda o‘tkazishga majbur bo‘lgan amerikalik Uilbert Jons unga chiqarilgan hukm bekor qilingandan keyin ozodlikka chiqdi. Bu haqda The Independent nashri xabar bermoqda.  

Jons 1971 yilda 19 yoshida hamshirani o‘g‘irlash va uning nomusiga tegishda ayblanib qo‘lga olingan.

Qurbon Jonsni zo‘ravon sifatida ko‘rsatgan, biroq zo‘ravonning ovozi qo‘polroq bo‘lganini ta'kidlab o‘tgan. Shunga qaramay, bu Jonsni jazolash uchun yetarli asos bo‘lgan. Sud jarayonidan 3 yil o‘tib Jons muddatdan avval ozodlikka chiqish huquqisiz umrbod qamoq jazosiga mahkum qilingan.

Jonsga chiqarilgan hukmni bekor qilgan sudya Jonsning aybi isbotlanishi “bo‘sh” bo‘lganiga ishora qilgan.

Ta'kidlanishicha, 2008 yilda vafot etgan hamshira ham Jonsning ozod etilishiga qarshi bo‘lmagan.