Suriyaning Daur-az-Zor viloyatidagi “Suriya demokratik kuchlari”ga qarashli nazorat-o‘tkazish punkti yonida minalashtirilgan avtomobil portlatildi.
“Sinxua” axborot agentligi ma'lumotlariga ko‘ra, portlash oqibatida 35 kishi halok bo‘lgan, o‘nlab odamlar jarohat olgan.
Portlashni IShID xudkushi amalga oshirgan.
SANA axborot agentligining ma'lum qilishicha, mashina Al-Faraj qishlog‘idagi qochqinlarni qabul qilish markazi yonida portlagan.
Avvalroq Suriya qurolli kuchlar bosh shtabi Daur-az-Zor jangarilardan to‘liq ozod qilinganini ma'lum qilgandi.
