Yaman g‘arbidagi Hajja viloyatida aviazarba bilan savdo majmuasi vayron qilindi. Aviazarba oqibatida 15 kishi halok bo‘lgan.
“RIA Novosti” axborot agentligining ma'lum qilishicha, zarbani Saudiya Arabistoni boshchiligidagi arab koalitsiyasi amalga oshirgan.
“Koalitsiya aviatsiyasi savdo majmuasiga zarba bergan. Bu vaqtda uning ichida ko‘plab xaridorlar va sotuvchilar bo‘lgan. Zarba oqibatida 15 kishi halok bo‘lgan, katta moddiy zarar yetkazilgan”, deb aytdi manbalardan biri.
Koalitsiyada bu ma'lumotga hech qanday izoh berilmagan.
