2017 yil 19 noyabr kuni soat 05:00larda, Yashnobod tumani, Farg‘ona yo‘li ko‘chasida joylashgan “Azimov” XK do‘koni qarshisida, haydovchi – 1990 yilda tug‘ilgan erkak kishi “Lasetti” rusumli avtomashinani boshqarib ketayotib, piyodani urib yuborgan. Shundan so‘ng rul boshqaruvini yo‘qotib, do‘konning devoriga urilgan. Bu haqda Toshkent shahar IIBB xabar bermoqda.
Mazkur yo‘l transport hodisasi natijasida piyoda – 1988 yilda tug‘ilgan erkak kishi “o‘ng boldir suyagining sinishi” tashxisi bilan Respublika shoshilinch tibbiy yordam ilmiy markaziga yotqizilgan.
Haydovchi “bosh miya yopiq jarohati, bosh miya chayqalishi” tashxisi bilan TTA-2 ga olib borilgan.
