Afg‘oniston sharqidagi portlashda 10 kishi halok bo‘ldi

Afg‘oniston sharqidagi Jalolobod shahrida sodir etilgan portlash oqibatida 10 kishi halok bo‘ldi, 20 dan ko‘proq kishi yaralandi. Bu haqda shifokorlarga iqtibos keltirgan holda mahalliy 1TV kanali ma'lum qildi.

Ma'lum qilinishicha, portlash tuman politsiyasining sobiq qo‘mondoni uyi yonida sodir etilgan. Portlash yuz berganini Nangarhor viloyati gubernatori vakili tasdiqlagan.  

Guvohlarning ma'lum qilishlaricha, portlovchi qurilmani terrorchi-xudkush harakatga keltirgan.

Hozircha birorta terrorchilik guruhi ushbu terakt uchun javobgarlikni o‘z zimmasiga olmagan.