Rossiya va Saudiya Arabistoni OPeKga kiradigan va kirmaydigan davlatlar tomondan neft qazib olish hajmini qisqartirish bo‘yicha bitimni yanada rivojlantirish masalasida kelishuvga keldilar. Bu haqda Rossiya energetika vaziri Aleksandr Novak Saudiya Arabistoni neft vaziri Xolid al Falih bilan uchrashuvdan keyin ma'lum qilgan.
“Bizda Saudiya Arabistoni energetika vaziri bilan vaziyatni umumiy tushunish bor, biz hozir aniq ssenariylarni muhokama qilmoqdamiz”, deb aytgan Novak, biroq muzokaralar tafsilotlarini va bitim qancha muddatga uzaytirilishi haqida hech narsa ma'lum qilmagan.
Novakning aytishicha, OPeKga kiradigan va kirmaydigan davlatlar 30 noyabrda bitimni uzaytirish bo‘yicha aniq yechimlarni qabul qilishlari mumkin.
OPeKga kiradigan va kirmaydigan davlatlar (OPeK+) neft qazib olishni cheklash bo‘yicha kelishuvlarni uzaytirishni muhokama qilmoqdalar. Hozirda kelishuvni uzaytirish bo‘yicha mumkin bo‘lgan variantlar quyidagicha: 6 oy, 9 oy yoki bir yil.
