Qoʻshimcha funksionallar
-
Tungi ko‘rinish
Portlash xavfi bo‘lgan muhitlarda qanday asbob-uskunalardan foydalansa bo‘ladi?
Vazirlar Mahkamasining 24.11.2017 yildagi 941-son qarori bilan Portlash xavfi bo‘lgan muhitlarda ishlovchi asbob-uskunalarning xavfsizligi to‘g‘risidagi umumiy texnik reglament tasdiqlandi. Bu haqda Norma.uz xabar bermoqda.
Hujjatni qo‘llash sohasi quyidagi tarzda belgilandi:
Hujjat asbob-uskunalarni loyihalashtirish, ishlab chiqarish va texnik hujjatlarga qo‘yiladigan talablarni, shuningdek asbob-uskunalarning qo‘yiladigan talablarga muvofiqligini baholashni amalga oshirish tartibini belgilaydi.
Reglamentga rioya qilinishi ustidan davlat nazoratini quyidagilar amalga oshiradi:
• «Sanoatgeokontexnazorat» davlat inspeksiyasi;
• Ichki ishlar vazirligi;
• boshqa maxsus vakolatli davlat organlari o‘z vakolatlari doirasida.
Hujjat 26.05.2018 yildan kuchga kiradi.
