Rossiyada terakt haqida yolg‘on xabarlar tarqatuvchilarning telefon raqamlari to‘sib qo‘yiladi 

Rossiya prezidenti Vladimir Putin huquq-tartibot idoralari va Roskomnadzor so‘rovi bo‘yicha telefon orqali biror terakt yoki jinoyatga tayyorgarlik ko‘rilayotgani haqida yolg‘on xabarlar tarqatuvchilar – “telefon terrorchilari”ning telefon raqamlarini to‘sish haqidagi qonunni imzoladi.

Yangi qonunga ko‘ra, aloqa operatori huquq-tartibot idoralari yoki Roskomnadzordan tegishli so‘rov tushganda tegishli telefon raqamiga xizmatlar ko‘rsatishni to‘xtatishi lozim bo‘ladi. Qonun, shuningdek, aloqa operatorlariga sms-xabarlar jo‘natuvchilarning raqamlarini o‘zgartirmagan holda uzatish majburiyatini qo‘yadi.