Tereza Mey Iroq bosh vazirini IShID ustidan erishilgan g‘alaba bilan tabrikladi 

Buyuk Britaniya bosh vaziri Tereza Mey iroqlik hamkasbi Haydar al-Obodiyni Iroq hududining IShID jangarilaridan ozod qilinishi bilan tabrikladi. 

“Birlashgan Qirollik nomidan men bosh vazir al-Obodiy va Iroqning barcha fuqarolarini bu tarixiy on bilan tabriklayman. Iroq xavfsizlik kuchlari ko‘rsatgan jasorat va keltirgan qurbonliklariga tan beraman”, deb aytgan Mey Britaniya hukumati saytidagi bayonotida.

Mey, shuningdek, Buyuk Britaniya Iroqqa yordam bergani, 60 ming iroqlik askarni o‘qitgani va yordam ko‘rsatish uchun millionlab funt sterlinglar ajratganini qayd qilib o‘tgan. 

Avvalroq Haydar al-Obodiy IShID mag‘lub etilgani va jangarilar bilan urush yakunlanganini e'lon qilgandi.