Slovakiyada 2018 yilning birinchi yarmida 26 ta harbiy mashg‘ulot o‘tkaziladi

NATO davlatlari 2018 yilning birinchi yarmida Slovakiyada 26 ta mashg‘ulot o‘tkazishadi. Bu haqda Slovakiya mudofaa vazirligi xabarida aytilgan.

“Slovakiyada keyingi yilning birinchi yarmida 26 ta mashg‘ulot o‘tadi. Ular xalqaro xarakterga ega bo‘ladi”, deb aytilgan xabarda.

Bunga ko‘ra, Slovakiyada mart oyida radiatsion va kimyoviy himoya bo‘linmalari mashg‘uloti o‘tkazilishi belgilangan. Bu mashg‘ulotlarda Slovakiya qurolli kuchlaridan tashqari, AQSh, Buyuk Britaniya va Chexiya harbiylari ishtirok etadi. 

Slovakiya mudofaa vazirligi mamlakatda mashg‘ulotlar o‘tkazilishini NATOga a'zo davlatlar armiyalarining o‘zaro harakatlanishini ta'minlash va mamlakatning alyans oldidagi majburiyatlarini bajarish zarurati bilan tushuntirgan.