Shavkat Mirziyoyev Xo‘jayli tumanidagi Agrosanoat logistika markazida bo‘ldi

O‘zbekiston Prezidenti Shavkat Mirziyoyev Qoraqalpog‘istonga tashrifi davomida Xo‘jayli tumanidagi Agrosanoat logistika markazida ham bo‘ldi. 

Bu yerda davlatimiz rahbariga zotdor otlarni parvarishlash, naslli qoramollar, tuyalarni boqish, ko‘paytirish borasidagi ishlar haqida batafsil ma'lumot berildi. Shuningdek, logistika markazi xududida bunyod etilishi ko‘zda tutilgan istiqbolli loyihalar, jumladan, qishloq xo‘jaligi mahsulotlarini qayta ishlash, saqlash, zamonaviy issiqxonalar, tomorqa yerlaridan samarali foydalanish, parrandachilik va baliqchilikni rivojlantirish borasidagi ishlarga to‘xtalindi.