Iordaniya podshohi Samarqandda «Boqiy shahar» tarixiy-etnografik majmuasini tomosha qildi

Oliy martabali mehmonga O‘zbekistonning boy tarixiy va madaniy merosi namoyish etildi.

Iordaniya podshohi Abdulla II ibn Al-Husayn prezident Shavkat Mirziyoyev bilan birgalikda Samarqand xalqaro turizm markazidagi «Boqiy shahar» tarixiy-etnografik majmuasini borib ko‘rdi.

Oliy martabali mehmon xalqimizning boy madaniy merosi, hunarmandchilik va amaliy san’atini aks ettiruvchi ko‘rgazmalarni tomosha qildi. Raqs jamoalarining chiqishlari namoyish etildi.

Bu yerda xalq buyuk o‘tmishi ramzlari to‘plangan, tarixiy shaharlarimizdagi diqqatga sazovor joylarining nusxalari barpo etilgan. Milliy an’analarimiz bilan birga do‘st xalqlar bilan aloqalar tarixi ham aks ettirilgan. Ta’kidlanishicha, bunday ma’no-mazmun, tarix va bugungi kun uyg‘unligi mehmonlarda katta taassurot qoldirdi.