Prezidentning oziq-ovqat xavfsizligini ta'minlash bo‘yicha farmoni loyihasi muhokamaga qo‘yildi

O‘zbekiston Respublikasi Bosh prokuraturasi saytida O‘zbekiston Respublikasi Prezidentining Mamlakatda oziq-ovqat xavfsizligini ta'minlash istiqbollari bo‘yicha choralar to‘g‘risidagi farmoni loyihasi muhokamaga qo‘yilgan.

Ushbu loyiha O‘zbekiston Respublikasi normativ huquqiy hujjatlarning muhokamasi portaliga ham joylashtirilgan.

Loyiha muhokamasida istalgan jismoniy va yuridik shaxs qatnashishi mumkin bo‘ladi. Jamoatchilik muhokamasi davomida olingan mazmunli taklif va tuzatishlar ekspertlar tomonidan sharhlanadi va muhokama tashkilotchilari tomonidan o‘rganib chiqiladi. Mazkur havola orqali muhokamada ishtirok etib, o‘zbek yoki rus tilida izoh/fikr qoldirishingiz mumkin.