Al-Quds bo‘yicha qaror chiqarilishidan oldin Trampning qo‘ng‘irog‘ini kutgandik – Erdo‘g‘an 

Turkiya prezident Rajab Toyyib Erdo‘g‘an AQSh ma'muriyati Al-Qudsning Isroil poytaxti deb tan olinishini e'lon qilishdan avval Donald Trampdan qo‘ng‘iroq kutganini ma'lum qildi.  

“Biz AQSh prezidenti bilan u yoki bu masala bo‘yicha aloqaga chiqamiz. Biroq ayni vaqtda u bilan telefon muloqoti o‘tkazish bo‘yicha aniq qaror qabul qilinmagan. Trampning o‘zi ham bizga qo‘ng‘iroq qilishini istardik. Tramp Al-Quds bo‘yicha qaror qabul qilishdan avval bizga qo‘ng‘iroq qilishini kutgandik. Fikrimcha, agar Tramp biz bilan maslahatlashganda, bu xatoga yo‘l qo‘yilmagan bo‘lardi”, deb aytgan Erdo‘g‘an Anqaradagi matbuot anjumanda.

Uning aytishicha, bu tilak Turkiya ayni vaqtda Islom hamkorligi tashkilotida raislik qilayotgani bilan bog‘liq bo‘lgan.