Rossiya O‘zbekistonga mikrobiologik laboratoriya berdi

Rossiyaning “Rospotrebnadzor” tashkiloti O‘zbekistonga avtoshassi negizidagi ekspress-diagnostika mikrobiologik laboratoriyasini berdi.

Laboratoriya Rossiya hukumati ko‘magida amalga oshirilayotgan, yuqumli kasalliklarning oldini olish va ularga javob berish bo‘yicha salohiyatni mustahkamlashda Sharqiy Yevropa va Markaziy Osiyo davlatlariga texnik va tashkiliy-metodik dastur doirasida topshirilgan. 

Laboratoriya qurilmalari, zarur materiallar va diagnostik vositalar bilan birga O‘zbekiston Sog‘liqni saqlash vazirligining Respublika karantin va o‘ta xavfli infeksiyalar profilaktikasi markaziga berildi. 

Laboratoriya topshirilishi doirasida o‘zbekistonlik mutaxassislar va haydovchilar mobil laboratoriya tizimi va qurilmalaridan foydalanish qoidalariga o‘qitildilar.