Video: Nazarboyev «Ostona» o‘yinchilari bilan «futbol o‘ynadi»

Qozog‘iston poytaxti hokimining har yillik xayriya bazmi vaqtida prezident Nursulton Nazarboyevga to‘p sovg‘a qilishdi. Aynan shu to‘p bilan “Slaviya” darvozasiga hal qiluvchi gol urilgandi, shundan so‘ng “Ostona” FK Yevropa ligasi 1/16 finaliga chiqa oldi. Bu haqda Tengrinews.kz xabar bermoqda.

Davlat rahbari bilan birga hokim bazmiga siyosatchilar, amaldorlar, Qozog‘iston estradasi yulduzlari, KVN Oliy ligasi chempioni “Sparta” jamoasi va “Ostona” klubi futbolchilari taklif etildi.

Nursulton Nazarboyev futbolchilardan sovg‘ani qabul qilib olib, “Ostona” va Qozog‘iston terma jamoasi o‘yinchilari bilan biroz “to‘p tepgan”. Facebook foydalanuvchisi Aizhani Nurlanova aynan shu holatni tasvirga oldi.