AQSh IShID bo‘yicha ayblovga javob qaytardi

Pentagonda AQSh IShID terrorchilik guruhini qo‘llab-quvvatlayotgani haqidagi bayonotlarni bema'ni gap, deb atashdi. Bu haqda harbiy mahkama rasmiy vakili Rebekka Riberix ma'lum qildi, deya xabar bermoqda RIA «Novosti».

«AQSh IShIDni qo‘llab-quvvatlayotgani haqidagi bayonotlar yolg‘on va bema'ni gapdir. Biz IShIDni tayyorlayotganimiz yo‘q. Biz IShID jangarilarini yo‘q qilish yoki ushlash ustida sheriklar bilan ishlamoqdamiz», - deya aytib o‘tdi Riberix.

Eslatib o‘tamiz, avvalroq SANA axborot agentligi AQSh vertolyotlari IShID yetakchilarini Suriyaning Daur-az-Zor viloyatidan Hasaka viloyatiga evakuatsiya qilgani haqida xabar tarqatgandi.