Қўшимча функционаллар
-
Тунги кўриниш
Жаҳон | 10:16 / 30.12.2017
16773
1 дақиқада ўқилади
АҚШ ИШИД бўйича айбловга жавоб қайтарди
Фото: AP
Пентагонда АҚШ ИШИД террорчилик гуруҳини қўллаб-қувватлаётгани ҳақидаги баёнотларни бемаъни гап, деб аташди. Бу ҳақда ҳарбий маҳкама расмий вакили Ребекка Риберих маълум қилди, дея хабар бермоқда РИА «Новости».
«АҚШ ИШИДни қўллаб-қувватлаётгани ҳақидаги баёнотлар ёлғон ва бемаъни гапдир. Биз ИШИДни тайёрлаётганимиз йўқ. Биз ИШИД жангариларини йўқ қилиш ёки ушлаш устида шериклар билан ишламоқдамиз», - дея айтиб ўтди Риберих.
Эслатиб ўтамиз, аввалроқ SANA ахборот агентлиги АҚШ вертолётлари ИШИД етакчиларини Суриянинг Даур-аз-Зор вилоятидан Ҳасака вилоятига эвакуация қилгани ҳақида хабар тарқатганди.
