Pentagon rahbari Ukrainadagi amerikalik harbiylar haqida bayonot berdi

Pentagon rahbari Jyeyms Mettisning ma'lum qilishicha, AQSh Ukrainadagi amerikalik harbiy xizmatchilar roli va sonini o‘zgartirmaydi. Bu haqda RIA «Novosti» xabar bermoqda.

«Bizda yo‘riqchilarning ma'lum bir soni bor, ular Ukraina armiyasiga NATO standartlari bo‘yicha tayyorgarlik ko‘rishda yordam beradi. Amerikalik harbiylarning roli esa avvalgidek bo‘lib qoladi», - deya aytib o‘tdi Mettis.

Uning so‘zlariga ko‘ra, Pentagonda «sonni o‘zgartirish bo‘yicha hech qanday rejalar yo‘q».

Eslatib o‘tamiz, avvalroq Ukraina Xavfsizlik xizmati rahbari Vasiliy Gritsak Rossiya bilan chegarada biometrik nazorat tizimini joriy qilish Ukraina milliy xavfsizligini mustahkamlashga yordam berishi va rus maxsus xizmatlari xodimlarining ishini qiyinlashtirishi haqida ma'lum qilgandi.