«Manchester Siti» to‘xtatildi
Angliya Premer-ligasining 21-turida «Manchester Siti» «Kristal Pelas»ga qarshi o‘ynadi. Londondagi «Selherst Park» stadionida kechgan uchrashuvda hisob ochilmadi — 0:0.
O‘yin yakunida «burgutlar» jamoasi Xosep Gvardiola jamoasiga mavsumdagi ilk mag‘lubiyatni taqdim etish uchun qulay imkoniyatga ega bo‘lishgandi. O‘yinning 90-daqiqasida uchrashuv hakami Jonatan Moss «shaharliklar» darvozasi tomon penalti belgiladi, ammo Ederson Luka Milivoyevichning 11 metrdan yo‘llagan zarbasini qaytardi.
Shu tariqa, bugun «Manchester Siti»ning Angliya chempionatida 18 tur davom etgan g‘alabali seriyasi yakunlandi. Lekin jamoaning mag‘lubiyatsiz seriyasi davom etdi.
Endilikda APL turnir jadvalida «Manchester Siti» 59 ochko bilan turnir jadvalida peshqadamlikni davom etmoqda, ikkinchi o‘rindagi «Chelsi» 14 ochkoga ortda qoldirilgan. «Kristal Pelas» 19 ochkosi bilan — 17-o‘rinda.
Angliya chempionati
21-tur
Kristal Pelas – Manchester Siti 0:0 (0:0, 0:0)
Kristal Pelas – Xennessi, Tomkins, van Anxolt, Ridevald, Denn (Kelli, 20), Taunsend, Fosu-Mensa, Milivoyevich, Kabay (Panchon, 75; Li Chun Yun, 90), Zaa, Benteke.
Manchester Siti – Ederson, Mangalya, Danilo, Uoker, Otamendi, Gyundo‘g‘an (Sterling, 57), Fernandino, Bernardu Silva (Ture, 81), de Bryuyne, Sane, Gabriel Jyezus (Aguero, 23).
Ogohlantirishlar: Denn (16), Sane (45), van Anxolt (48), Kabay (67), Aguero (79), Ture (90), Fernandino (90), Kelli (90), Panchon (90).
Mavzuga oid
11:34 / 18.02.2024
«Siti» ochko yo‘qotdi, «Arsenal»da yana 5 ta gol. APLda kun o‘yinlari
11:32 / 14.01.2024
«Siti»da jiddiy yo‘qotish va qiyin g‘alaba, Sanchoda yorqin qaytish. Yevropada kun o‘yinlari
01:08 / 23.12.2023
«Man Siti» - klublar o‘rtasida jahon chempioni
14:02 / 17.12.2023