O‘zbekistondagi xorijiy oliy o‘quv yurtlariga 2023 yilga qadar soliq imtiyozlari taqdim etilmoqda

O‘zbekiston Respublikasi Prezidentining 2017 yil 29 dekabrdagi PQ-3454 sonli «O‘zbekiston Respublikasining 2018 yilgi asosiy makroiqtisodiy ko‘rsatkichlari prognozi va Davlat byudjyeti parametrlari to‘g‘risida»gi qaroriga ko‘ra O‘zbekistonda akkreditatsiyadan o‘tgan xorijiy oliy o‘quv muassasalariga soliq imtiyozlari taqdim etilmoqda.

Prezidentning mazkur qaroriga ko‘ra, xorijiy oliy o‘quv yurtlari o‘zlarining O‘zbekistonda amalga oshirayotgan ta'lim faoliyatidan 2023 yilning 1 yanvariga qadar soliqlar va davlat maqsadli jamg‘armalariga majburiy ajratmalarning barcha turlaridan ozod qilinmoqda.

Universitetlar shuningdek, xorijiy ishchilarning mehnatiga haq to‘lash qismidan yagona ijtimoiy to‘lov hamda jismoniy shaxslarning daromadlaridan soliq ham to‘lashmaydi.