«Ливерпуль» охирги дақиқада ғалабага эришди ва «МЮ»га етиб олди
22:30 / 01.01.2018
8062
Фото: Reuters

Англияда 22-тур учрашувлари давом этмоқда. «Ливерпуль» «Бёрнли» майдонига сафар қилди ва ғалабага эришди — 2:1. 

Мерсисайдликлар 61-дақиқада Садио Маненинг голи эвазига олдинга чиқишганди. Майдон эгалари 87-дақиқада Йоханн Гудмундссоннинг голи эвазига ҳисобни тенглаштиришди. Аммо Юрген Клопп шогирдлари ғалаба учун ирода топа олишди ва ўйин охирида Рагнар Клаван гол уриб, жамоага ғалаба келтирди. 

Бу натижадан кейин «Ливерпуль» очколари сонини 44тага етказди ва турнир жадвалида «Манчестер Юнайтед»га тенглашиб олди. «Бёрнли» 34 очкоси билан 7-ўринда қолмоқда.

«Лестер» бу турда ўз майдонида «Ҳаддерсфилд»ни қабул қилди ва йирик ғалабага эришди. Учрашувдаги голларга Риёз Маҳрез, Ислам Слимани ва Марк Олбрайтон муаллифлик қилишди.

Бу ғалабадан кейин «тулкилар» жамоаси Англия чемпионати турнир жадвалида 30 очко билан еттинчи ўринда, «Ҳаддерсфилд» 24 очкоси билан 11-ўринда.

Тур доирасидаги яна бир учрашувда «Ньюкасл» «Сток Сити» майдонидан 3 очко билан қайтди. Айосе Переснинг ягона голи Рафа Бенитес шогирдлари ғалабасини таъминлади. Бу ғалабадан кейин «Ньюкасл» очколари сонини 22тага етказган ҳолда бирданига 16-ўриндан 13-ўринга кўтарилди, «Сток Сити» 20 очкоси билан ҳозирча 16-ўринга тушди.

Англия чемпионати
22-тур

Бёрнли – Ливерпуль 1:2 (0:0, 1:2)
Голлар: 0:1 – 61 Мане, 1:1 – 87 Гудмундссон, 1:2 – 90 Клаван.
Бёрнли – Поуп, Тарковски, Тэйлор, Бардсли, Ми, Корк, Дефур, Хендрик (Воукс, 71), Гудмундссон, Арфилд (Уэллс, 86), Барнс.
Ливерпуль – Миньоле, Ловрен, Гомес, Александер-Арнолд, Клаван, Вейналдум, Джан, Лаллана (Милнер, 86), Окслейд-Чемберлен (Матип, 90), Мане (Фирмино, 72), Соланке.

Лестер – Хаддерсфилд 3:0 (0:0, 3:0)
Голлар: 1:0 – 53 Маҳрез, 2:0 – 60 Слимани, 3:0 – 90 Олбрайтон.
Лестер – Шмейхель, Магуайр, Морган (Драгович, 28), Фукс, Маҳрез (Грэй, 77), Амарти, Жеймс (Адриен Силва, 86), Ндиди, Олбрайтон, Окадзаки, Слимани.
Ҳаддерсфилд –    Лессль, Йоргенсен, Леве (Мэлоун, 76), Смит (Депуатр, 82), Шиндлер, Инс, Уильямс, ван Ла Парра, Муй, Лолли (Кванер, 59), Мунье.
Огоҳлантиришлар: Морган (24), Мэлоун (84).

Сток Сити – Ньюкасл 0:1 (0:0, 0:1)
Гол: 0:1 – 73 Перес.
Сток Сити – Батленд, Зума, Виммер, Питерс (Берахино, 71), Кэмерон, Адам, Аллен, Шакири (Диуф, 57), Эдвардс, Шупо-Мотинг, Крауч.
Ньюкасл – Дарлоу, Ласселс, Манкильо, Йедлин, Кларк, Шелви, Диаме, Мерфи (Дамметт, 82), Ритчи, Атсу (Гэйл, 64), Перес (Хэйден, 90).
Огоҳлантиришлар: Манкильо (26), Аллен (54), Шупо-Мотинг (60), Виммер (66).


Улашинг
Top