20:25 / 01.01.2018
8567

Neymar «Oltin samba» sovrinini qo‘lga kiritdi

Foto: Reuters

«PSJ» hujumchisi Neymar 2017 yil yakuniga ko‘ra, «Oltin samba» mukofotini oldi.

25 yoshli hujumchi uchinchi marta (2014, 2015, 2017) nufuzli sovrinni qo‘lga kiritib, vatandoshi va «Pari Sen-Jyermen» klubidagi jamoadoshi Tiago Silva (2011-2013) bilan tenglashib oldi.

Ma'lumki, bu mukofot Yevropada to‘p suradigan eng yaxshi braziliyalik futbolchiga topshiriladi. G‘olib jurnalistlar, muxlislar va sobiq futbolchilar tomonidan aniqlanadi.

Bu yilgi so‘rovnoma natijalari quyidagicha bo‘ldi: Neymar (27,71%), Filippe Koutino («Liverpul», 16,64%), Marselo («Real», 14,43%), Paulino («Barselona», 13,64%) va Kazemiro («Real», 7,19%).

Ta'kidlash joizki, muxlislar orasidagi so‘rovnomada Paulino (31,83%), sobiq futbolchilar so‘rovnomasida Neymar (39,39%), jurnalistlar orasidagi so‘rovnomada Marselo (30,30%) g‘olib bo‘ldi.

Top