O‘zbekiston, Tojikiston va Qirg‘iziston sarguzasht turizmi uchun eng yaxshi davlatlar ro‘yxatiga kirdi

Qirg‘iziston sarguzasht turizmi uchun eng yaxshi davlatlar beshligidan joy oldi. Ushbu reyting Britaniyaning bekpekerlar (British Backpacker Society) jamiyati tomonidan tuzildi.

Tashkilotning Facebook’dagi rasmiy sahifasida xabar berilishicha, ro‘yxatdan hammasi bo‘lib 20 davlat o‘rin oldi, ular ichida MDH mamlakatlari ham bor. Xususan, Tojikiston yettinchi o‘rinni band etgan bo‘lsa, Gruziya to‘qqizinchi bo‘ldi, O‘zbekiston esa 19-pog‘onani egalladi.

British Backpacker Society xalqaro tashkiloti turistik hamjamiyat bo‘lib, unchalik ham mashhur bo‘lmagan mamlakatlarni o‘rganish bilan shug‘ullanadi.