Foto: KUN.UZ
O‘zbekiston Respublikasi Favqulodda vaziyatlar vazirligi «Qamchiq» dovoni bo‘yicha tezkor xabarnoma e'lon qildi.
FVV Favqulodda vaziyatlarda boshqaruv markazi (FVBM) xabariga ko‘ra, O‘zgidromet ma'lumotiga asosan, joriy yilning 11, 12 va 14 yanvar kunlari «Qamchiq» dovonida qor yog‘ishi, vaqti-vaqti bilan kuchayishi, tuman tushib ko‘rinishning 50-100 metrgacha yomonlashishi, shamolning tezligi 22-25 m/s gacha kuchayishi, yo‘llarda qor uyumlarining yuzaga kelishi, yo‘lning muzlashi kutilmoqda.
FVV «Qamchiq» dovoni orqali vaqtincha avtotransportda harakatlanmaslikni tavsiya etgan.
