Pentagon rahbari Yaponiyadan uzr so‘radi

Pentagon rahbari Jyeyms Mettis Yaponiya mudofaa vaziri Itsunori Onodera bilan telefon orqali muzokaralar davomida Tokiodan Amerika vertolyotlari bilan bog‘liq hodisalar uchun uzr so‘radi. Bu haqda NHK telekanali xabar bermoqda.

O‘z navbatida, yaponiyalik vazir Mettisni bundan buyon shunday hodisalar yuz bermasligi uchun choralar ko‘rishga chaqirdi.

Bundan tashqari, ular Janubiy Koreya va KXDR o‘rtasida boshlangan muzokaralarni muhokama qilgan. Onodera va Mettis Yaponiya, AQSh hamda Janubiy Koreya o‘rtasida KXDRga maksimal bosim o‘tkazish maqsadida qalin hamkorlikni davom ettirish lozimligini tasdiqlagan.

Eslatib o‘tamiz, 6 yanvar kuni AQSh harbiy vertolyoti Yaponiyaning Okinava prefekturasidagi Ikei oroliga favqulodda qo‘ndi. Hodisa Futemma shahridan uncha uzoq bo‘lmagan yerda yuz berib, vertolyot ochiq maydonga qo‘nishga majbur bo‘lgan.

Bu voqeadan ikki kun avval esa AQShning boshqa bir harbiy vertolyoti Okinava orolidagi mehmonxona yoniga favqulodda qo‘ndi.