Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
«Рекламани жойлаштириш тўғрисидаги низомни тасдиқлаш ҳақида»ги қарорга ўзгартиришлар киритилди
19:50 / 09.01.2018
3926

Ўзбекистон Республикасининг Хусусийлаштирилган корхоналарга кўмаклашиш ва рақобатни ривожлантириш бўйича Давлат қўмитасининг қарори билан «Рекламани жойлаштириш тўғрисидаги низомни тасдиқлаш ҳақида»ги қарорга ўзгартиришлар киритилди.

Қарорга киритилган ўзгартиришлар кўра, қарор преамбуласидаги «ва Ўзбекистон Республикасининг Монополиядан чиқариш ва рақобатни ривожлантириш Давлат қўмитаси тўғрисидаги низомга мувофиқ» сўзлари «Ўзбекистон Республикасининг «Реклама тўғрисида»ги қонунини амалга ошириш чоралари тўғрисида» сўзлари билан алмаштирилди.

Низомдаги 6, 7 ва 13-бандлар ўз кучини йўқотган деб ҳисобланади. 40-банднинг «б» бандостида «сифат» сўзи «мувофиқлик» сўзи билан алмаштирилди.

Қайд этилишича, ушбу ўзгартиришлар Соғлиқни сақлаш вазирлиги, Ахборот технологиялари ва коммуникацияларини ривожлантириш бўйича вазирлик, Маданият вазирлиги, Ўзбекистон Миллий телерадиокомпанияси, Ўзбекистон Матбуот ва ахборот агентлиги, «Ўзстандарт» агентлиги, Ўзбекистон Республикасининг Жисмоний тарбия ва спорт бўйича давлат қўмитаси билан мувофиқлаштирилган. 

 


Улашинг
Top