Ostonada favqulodda holat rejimi e'lon qilindi

Ostona hokimi qarori bilan shaharda ob-havo haroratidagi keskin o‘zgarish sababli tabiiy xarakterdagi favqulodda holat e'lon qilindi. Bu haqda shahar ma'muriyati saytida xabar berilgan.

«Shahardagi o‘t o‘chirish xizmati, tez tibbiy yordam, kommunal xizmatlar kabi hayot ta'minoti vositalariga qo‘shimcha tarzda, biz davlat tashkilotlari, o‘quv muassasalari, korxonalar (bozorlar) va obektlarga ishni vaqtinchalik to‘xtatib turishni tavsiya etamiz», - deyiladi xabarda.

Eslatib o‘tamiz, avvalroq Ostonada «Nursulton Nazarboyev» xalqaro aeroporti vaqtinchalik yopilgani xabar qilingandi.