«Атлетико» ва «Валенсия» ўз ўйинларида ғалабага эришди (Ла Лига турнир жадвали)
08:30 / 14.01.2018
9682
Фото: Ла Лига

«Атлетико» Испания чемпионатининг 19-турида «Эйбар»га қарши ўйнади. Эйбардаги «Мунисипаль де Ипуруа» стадионида кечган учрашув меҳмонларнинг 1:0 ҳисобидаги ғалабаси билан якунланди.

Ўйиндаги ягона гол 27-дақиқада франциялик ҳужумчи Кевин Гамейро томонидан урилди. Унга голли пасни ватандоши Антуан Гризманн етказиб берганди.

Эндиликда «Атлетико» очколари сонини 42тага етказди ва Испания чемпионати турнир жадвалида иккинчи ўринга мустаҳкам жойлашди. «Эйбар» 27 очкоси билан еттинчи поғонада жойлашган.

«Валенсия» бу турда «Депортиво»ни енгди. Ла-Коруньядаги «Риасор» стадионида кечган учрашув меҳмонлар жамоасининг 2:1 ҳисобидаги ғалабаси билан якунланди.

Ўйиннинг 37-дақиқасида Гонсалу Гуэдеш ҳисобни очди. Иккинчи бўлим ўрталарида Родриго «Валенсия»нинг устунлигини оширди. Ўйин охирида Флорин Андоне битта жавоб голи йўллади.

Бу натижадан кейин «Валенсия» 40 очко билан Примера турнир жадвалида учинчи ўринда ва тўртинчи ўриндаги «Реал» 8 очкога ортда қолдирилган. («Барселона» ҳозирча 19-тур учрашувини ўтказмади ва «Валенсия»дан 8 очко олдинда бормоқда). «Депортиво» 16 очко билан 17-ўринда.

Испания чемпионати
19-тур

Эйбар – Атлетико 0:1 (0:1, 0:0)
Гол: 0:1 – 27 Гамейро.
Эйбар – Дмитрович, Капа, Паулу Оливейра, Рамис, Хосе Анхель, Иван Алехо (Орельяна, 46), Жордан (Диоп, 73), Дани Гарсия, Инуи, Шарлес (Кике, 64), Энрик.
Атлетико – Облак, Врсалько, Хименес, Годин, Люка Эрнандес, Корреа (Феррейра Карраско, 54), Парти, Сауль, Коке, Гамейро (Фернандес, 69), Гризманн (Торрес, 76).
Огоҳлантиришлар: Иван Алехо (10), Рамис (33), Годин (73).

Депортиво – Валенсия 1:2 (0:1, 1:1)
Голлар: 0:1 – 37 Гонсалу Гедеш, 0:2 – 64 Родриго, 1:2 – 88 Андоне.
Депортиво – Мартинес, Хуанфран, Альбентоса, Сидней, Луизинью, Борхес (Чолак, 52), Гильерме, Москера (Вальверде, 70), Перес, Андоне, Адриан.
Валенсия – Нето, Рубен Везу, Гарай, Габриэл, Гайя, Максимович, Коклен (Монтойя, 83), Парехо, Гонсалу Гедеш, Санти Мина (Вьетто, 74), Родриго (Дзадза, 81).
Огоҳлантиришлар: Москера (47), Парехо (63), Гайя (90).

Фото: Ла Лига

Улашинг
Top