Sirdaryolik bemorlarga tashxis qo‘yish va davolash uchun hindistonlik shifokorlar tashrifi kutilmoqda

Sirdaryo viloyat hokimligi hamda viloyat sog‘liqni saqlash boshqarmasi tashabbusi bilan Hindistonning “Apollo” klinikasidan onkolog jarroh Doktor Shuayb Zaidiy, plastik xirurg Doktor Shaxin Nureydzan, bolalar urologi Doktor Sujit Choudxarining Sirdaryo viloyatiga tashrifi kutilmoqda.

Tashrif joriy yilning 20 yanvar kuni Guliston shahriga amalga oshiriladi.

Mazkur tashrifdan asosiy maqsad viloyat tibbiyot mutaxassislariga onkoxirurgiya, plastik xirurgiya va urologiya yo‘nalishidagi yangi zamonaviy davolash usullari, yuqori texnologik amaliyotlar va mahorat darslarini o‘tkazish, bemorlarni qabul qilish, tibbiy ko‘rikdan o‘tkazish, tashxis qo‘yish va davolash muolajalarini o‘tkazishdir.

Qabul qilish manzili: Sirdaryo viloyati onkologiya dispanserida bemorlar qabuli, murakkab jarrohlik operatsiyalari tashkillashtiriladi.